TEZISH və Veysəloğlu-Rossmann strateji tərəfdaşlığa başladı

HR texnologiyası olan TEZISH, pərakəndə sektorunda fəaliyyət göstərən beynəlxalq brendlərdən biri olan Veysəloğlu-Rossmann ilə əməkdaşlığa başladığını elan edir.

1972-ci ildə Almaniyada qurulan Veysəloğlu-Rossmann bu gün Avropanın ən böyük drogeriya şəbəkələrindən biri olaraq 5,000-dən çox mağaza, 67,000-dən çox əməkdaş ilə fəaliyyət göstərir. Azərbaycanda isə şirkət 2022-ci ildən fəaliyyətə başlayaraq artıq 40-dan çox mağaza ilə sürətlə genişlənir.

Bu əməkdaşlıq çərçivəsində Veysəloğlu-Rossmann əməliyyat çevikliyini artırmaq və dəyişkən işçi ehtiyaclarını daha sürətli və səmərəli şəkildə qarşılamaq üçün TEZISH platformasından istifadə edəcək.

TEZISH-in məqsədi Azərbaycanda və regionda iş bazarının gələcəyini bu gündən qurmaqdır — elə bir gələcək ki, insanlar bir neçə toxunuşla istədikləri vaxt və istədikləri yerdə işləyə bilsinlər, şirkətlər isə ehtiyac olduqda cəmi 1 dəqiqəyə müvəqqəti işçi tapa bilsinlər.