TEZISH, Ləzzət Şirkətlər Qrupu ilə strateji tərəfdaşlığını elan edir!

HR texnologiyası olan TEZISH, Azərbaycanın aparıcı istehsal və distribusiya şirkətlərindən biri olan Ləzzət Şirkətlər Qrupu ilə strateji tərəfdaşlığını elan edir. Bu əməkdaşlıq Ləzzət Şirkətlər Qrupuna müştərilərinə daha sürətli və effektiv xidmət göstərməkdə dəstək olacaq. “Ləzzət Şirkətlər Qrupu” Haqqında: 1995-ci ildən fəaliyyət göstərən Ləzzət Şirkətlər Qrupu qida və qeyri-qida istehsalı, gündəlik istehlak məhsullarının distribusiyası və ixracı üzrə Azərbaycanın nüfuzlu şirkətlərindən biridir. Şirkət meyvə şirələri, kompotlar, mineral sular, spirtli içkilər, şirniyyat məmulatları, quşçuluq məhsulları, kağız və plastik məhsullar istehsal edir və məhsullarını bir neçə ölkəyə ixrac edir. “TEZISH Haqqında”: TEZISH-in məqsədi Azərbaycanda və regionda iş bazarının gələcəyini bu gündən qurmaqdır — elə bir gələcək ki, insanlar bir neçə toxunuşla istədikləri vaxt, istədikləri yerdə, öz həyat tərzlərinə uyğun şəkildə işləyə bilsinlər. Şirkətlər isə təcili ehtiyac olduqda ölkənin istənilən nöqtəsinə cəmi 1 dəqiqəyə müvəqqəti işçi taparaq insan resursları problemlərini sıfıra endirsinlər.