Vakansiyalar

Qeydiyyatdan keç, profil yarat və TEZISH tərəfindən təsdiq edilməyi gözlə. Təsdiq edildikdən sonra 2 toxunuşla sifarişə müraciət et. Qəbul edildiyin sifarişə başlamazdan əvvəl SİMA İmza ilə Müqaviləni imzala. Sifarişi bitir və işlədiyin şirkətə reytinq verib 5 iş günü ərzində ödənişini al.

Platforma sənə öz cədvəlinə uyğun sifarişlərdə işləyib azad pul qazanmağını təmin edir. Sifariş barədə bildiriş telefonuna gəlir, qrafikinə uyğundursa, müraciət edirsən və gözləyirsən. Seçildikdə isə təsdiq və digər barədə məlumatlar (məkan, tarix, saat) WhatsApp vasitəsilə sənə bildirilir. Bundan əlavə fərqli kateqoriyalarda işləyə və təcrübə qazanmaqda tamamilə azadsan.

TEZISH-də aşağıdakı kateqoriyalar üzrə işlərə müraciət edə bilərsən: Hotel, restoran: Aşpaz, Ofisiant; Pərakəndə satış: Satıcı/Merçendayzer, Kassir, Açılış Qrupu Üzvü; Tədbir: Tədbir köməkçisi Qeyd edək ki, TEZISH-də tələbata uyğun mütəmadi olaraq yeni kateqoriyalar yaranır. Gözün sifarişlərdə olsun ki, ilk müraciət edənlərdən biri elə sən olasan.

Bildirişlərin açıq olduğundan əmin ol ki, yeni sifarişlərdən xəbərdar olasan. Tənzimləmələr (Settings/Ayarlar) hissəsindən tətbiqin bildirişlərinə icazə ver. Profilin təsdiqləndikdən sonra WhatsApp qrupumuza qoşul, anında yeni sifarişlərdən xəbərdar ol!

Profilinin təsdiqlənməsi aşağıdakı şərtlərdən asılıdır: Ərazi: Yaşadığın şəhərdə TEZISH aktiv olmalıdır. Hal-hazırda yalnız Bakı şəhəri və ətrafı ərazilərdə fəaliyyət göstəririk. Profil Doldurma: Profil məlumatların tam və doğru formada doldurulmalıdır. Təcrübə: İş təcrübən kifayət etməyə və ya platformaya uyğun olmaya bilər. Yaş: 18 yaşın tamam olmalıdır. İşçi Sayı Çoxdur: TEZISH-də aktiv işçi sayı çoxdursa, sən Gözləmə Siyahısına əlavə ediləcəksən və yeni işçi yerləri açıldıqda sənə WhatsApp və ya email ilə xəbər edəcəyik.

Əgər təsdiqlənmisənsə, “Müraciət et” düyməsinin aktivləşməsi üçün ilk öncə düymənin üzərindəki uyğun iş günlərini seçməlisən.

Qəbul almaq bir neçə faktordan asılıdır: yaşadığın şəhər, iş təcrübən, cinsin, təhsilin və TEZISH-dəki reytinqin. Profilini tam doldur və müraciət etməyə davam et, ilk uğurlu işindən sonra seçilmə ehtimalın xeyli artacaq. Uğurlar! TEZISH komandası inanır ki, sən bacaracaqsan.

Şirkətlər iş bitdikdən 24 saat ərzində sənə reytinq və rəy verir, bu da sənin profilinə əlavə olunur və ümumi reytinqinə təsir edir. Həmçinin sən də işlədiyin şirkətlərə reytinq və rəy verə bilərsən. Çalış ki, hər işi ən yaxşı şəkildə bitirəsən. Biz isə uğurlu olmağın və ən yüksək reytinqinin olması üçün hər zaman sənə dəstək verməyə, sifarişlərdə yaşadığın problemləri aradan qaldırmağa hazırıq.

Sifarişi uğurlu bitirdikdən sonra, TEZISH sənə 5 iş günü içərisində ödəniş edəcək. Platformada aktiv işçilərə isə ödəniş 1-2 gün ərzində olunur. Bunun üçün minimum 3 sifarişdə iştirak etməlisən.

Profilinin silinməsi və ya tətbiqin yenidən təsdiq istəməsi aşağıdakı şərtlərə görə ola bilər: Aktiv Olmamaq: TEZISH-də aktiv olaraq sifarişlərə müraciət etməyən frilanserlərin profilləri avtomatik olaraq silinir. Tətbiqdə qala bilməyin üçün aktiv olmağın vacibdir. Yenidən Təsdiq Tələbi: Platformanın təhlükəsizliyi təmin etmək üçün bütün istifadəçilərdən dövri olaraq yenidən təsdiq tələb olunur. TEZISH-dən Bloklanma: Bəzi tələblərə cavab verməyən (nümunə: qəbul olduğu işi düzgün yerinə yetirməmək, işi gəlməmək, iş bitməmiş iş yerini tərk etmək) frilanserlər platformadan daimi olaraq blokalana bilərlər.

Qəbul edildiyin sifarişin başlamasına 24 saatdan çox varsa, imtina etməkdə azadsan. Ancaq, 24 saatdan az qalmış işdən imtina etsən və ya iş vaxtı iştirak etməsən, platformadan daimi bloklanacaqsan. İştirak etmək mümkün deyilsə, zəhmət olmasa, vaxtında sifarişdən imtina et.